شرح بسيط عن لعبة ترافيان (Travian)
السلام عليكم ورحمه الله وبركاته
شحالكم اخواني وخواتي
اليوم يبت لكم هالشرح عن اللعبة واتمنى تستفيدون منه :sm225:
طبعا احسن شي باللعبه انها ما تحتاج لـ تحميل وقلق .. سجلوا وابدوا باللعب
واللعبه عباره عن :
ان يكون عندكم قريه و تبنون فيها مباني وتزودون المحاصيل وتكوّنون جيش تحمون نفسك فيه من الأعداء
وتهجمون عليهم فيه و تكوّنون او تنضمون لتحالف معين وتستولون على قرى وتستكشفون واحات وقرى جديدة وتستولون عليها ( طبعا هالشي صعب مب بسهولة لازم تكون قراكم متطورة بدرجة كبيرة عشان هالشي) :6_23:ووووووو ... الخ
-----
قبل لا تسجلون في اللعبه لازم تختارون الحضاره ( الرومان - الجرمان - الأغرق )
وكل واحد من الثلاثه له سلبياته و ايجابياته
دخلوا على هذا الرابط وشوفوا الفرق بين كل حضاره
وأول ما تسجلون يصير عندكم قريه وتكون فاضيه ما فيها غير ( المبنى الرئيسي )
وفيه المواد الخام واللي هي : الخشب والحديد والطين والقمح
وبهذي المواد تبنون المباني والأسواق و تدربون الجنود وكل شي
يعني قبل ما تهتمون ببناء المباني , ركزوا على تطوير المواد الخام ( الحديد والقمح والطين والخشب )
بعد ما تطورون المواد الخام بتقدرون تبنون مباني جديده
وثاني شي لازم تبنون مخبأ وتطورونه ضروري لأن بعد التسجيل يكون على قريتك حماية ضد الهجمات من الموقع لمدة اربعة ايام وبالمخبأ الموارد والسكان ينتقلون هناك وقت الهجوم
اذا اخترتوا موقع المبنى .. راح تطلع لكم عدّة مباني
وكل مبنى وله شروطه من القمح والحديد والخشب والطين ( على حسب نوعه )
وبعض المباني من شروطها وجود مباني ثانية وبمستويات معينة
وكل مبنى جديد ينبني يساعد في زيادة عدد سكان القريه بقدر معيّن
وفي ترافيان أنت تلعب مع الآلاف من الاعبين
في الخريطه تقدر تشوف قريتك (تكون محددة باللون الأصفر) وجيرانك (باللون البرتقالي)
وتقدر تحط احداثيات اي قرية ويطلعها لك
وطبعا القرى اللي معاك بالتحالف (يكون لونها أزرق)
وهذي لمحه عن بعض الامور الموجودة بصفحتكم
1 - خريطة القرية: هنا تجدون مجال موادكم الخام
2 - مركز القرية: في القرية يمكنكم انشاء المباني
3 - الخريطة: قريتكم وجيرانكم بتشوفونهم واحداثياتهم بالخريطة
4 - احصائيات : الرتب ومقارنات مع لاعبين
5 - تقارير : معلومات عن الأحداث في قريتكم
6 - رسائل: ارسال واستقبال رسائل
----
وهذا شرح مختصر وان شاء الله يفيدكم
رابط اللعبه
[ندعوك للتسجيل في المنتدى أو التعريف بنفسك لمعاينة هذا الرابط]وطبعاً هذا السرفر العربي ( يعني كل اللي موجودين عرب )
واللاعبين اللي فيه بالآلاف
وفيه سيرفر امريكي وايطالي وبرازيلي وتركي وغيرهم
ملاحظه هامه !!
ارجوا من كل اللي سجلوا باللعبه ان ما تلهيهم اللعبه عن صلاتهم وعبادتهم ..
لان طاعة الخالق اهم من كل شي بالعالم .. وبعد الموت ما ينفع الندم
وكل واحد مهدد في اي لحظه انه يموت
ابري ذمتي الى الله .. اللهم انّي بلغت اللهم فشهد
----
في انتظار ردودكم